Llyfr cofio

Dewisiadau coffa

Mae cardiau coffa a Llyfrau Bach yn bethau personol y gallwch edrych arnynt pryd bynnag y dymunwch. Maent yn cynnwys copi o gofnod coffa eich anwylyn, gyda’r gwaith celf a’r caligraffi wedi ei wneud gan yr un meistri caligraffi ac artistiaid â rhai FG Marshall.

Gyda lle ar gyfer cofnodion niferus yn y llyfrau bach, gallwch eu trawsnewid yn groniclau teuluol unigryw y gellir eu trysori a’u trosglwyddo o genhedlaeth i genhedlaeth.

Mae’r paneli lledr wedi eu hargraffu â llaw mewn aur, gydag enw a dyddiadau eich anwylyn. Sylwer ei bod yn bosibl na fydd paneli lledr ar gael bob amser.   Os hoffech chi glywed pa ddewisiadau coffa sydd ar gael, cysylltwch â ni.

Y Llyfr Coffa

Mae Llyfrau Coffa yn cynnwys teyrngedau cariadus a grëwyd gennych chi i anrhydeddu a choffáu bywydau gwerthfawr anwyliaid sydd wedi ein gadael.

Mae’r Llyfrau Coffa yn cael eu gosod mewn cabinet ac yn cael eu harddangos ar agor i chi eu gweld ar ddyddiad y cofnod, bob blwyddyn.

Mewn Dwylo Da

Mae ein Llyfr Coffa yn gofnod parhaol o’ch anwylyn, yn cynnig lle i chi drysori’r atgofion a chael cysur ar adegau o fyfyrio.

Gall hefyd roi cyfle i genedlaethau’r dyfodol gysylltu â’u treftadaeth, gan greu ymdeimlad o falchder teuluol ac anrhydedd wrth iddynt ddysgu am etifeddiaeth eu hynafiaid. Mae’r Llyfr Coffa wedi’i ddiogelu y tu ôl i wydr mewn cabinet diogel, wedi’i warchod ar gyfer y dyfodol.

Eich cofnod

Gallwch ddewis y dyddiad yr hoffech ei gofnodi.  Yr isafswm ar gyfer cofnod yw dwy linell a byddai’n cynnwys enw eich anwylyn ar y brig, gyda’r dyddiadau perthnasol ar yr ail linell.

Mae’r arysgrif wedi’i ysgrifennu â llaw, a gwneir pob ymdrech i ddarparu ar gyfer eich dymuniadau.  Sylwer, mae cyfyngiadau ar nifer y llythrennau a’r bylchau y gellir eu cynnwys mewn llinell.

Gallwch gael hyd at 28 llythyren a gofod ar linell gyntaf eich cais. I’r gweddill, mae hyd at 36 llythyren a gofod heb waith celf bychan.

Os byddwch yn dewis cael cofnod o bum llinell neu fwy, bydd lle ar gael i gynnwys gwaith celf bach.  Gallai hyn gynnwys:

• arwyddlun blodeuog
• anifail, aderyn, 
• bathodyn cymdeithas neu sefydliad,
• bathodyn catrawd,
• arflun neu
• arfbais. 

Os byddwch yn dewis cynnwys gwaith celf bach, bydd yn lleihau faint o lythyrau a bylchau sydd ar gael.